На објект во изградба на улицата Лондонска во Скопје, кој го гради тетовска фирма сопственост на Г.Х.(54) од село Мала Речица, починал 33-годишниот градежниот работник М.А. од селото Челопек, Тетовско.
Како што соопшти МВР, работникот починал кога се обидувал да натовари железна арматура на кран. Арматурата се откачила и од висина од околу два метра паднала врз него. Смрт констатирал лекар од Итна медицинска помош, а по наредба на Јавен обвинител телото било предадено на обдукција. Увид на местото извршиле Јавен обвинител и екипа од СВР Скопје.
