Фудбалерот на англискиот премиерлигаш Кардиф, 28-годишниот Емилиано Сала бил во малиот авион кој исчезна од радарите додека летал над каналот Ламанш доцна синоќа.
Аргентинскиот напаѓач потпиша во текот на викендот за Кардиф Сити, а британските медиуми пренесуваат дека бил единствениот патник во авионот, покрај пилотите. Сала за Кардиф Сити во саботата потпиша договор вреден 17 милиони евра и стана најскапиот играч во историјата на клубот.
Како што пренесуваат британските медиуми, авионот исчезнал од радарите на оддалеченост од околу 20 километри северно од островот Гуернси.
Голема потрага и спасувачка операција е во тек. Крајбрежната стража добила повик за исчезнувањето на авионот во 20:23 по локално време, но потрагата била прекината после само два часа поради слабата видливост. Потрагата продолжила денес наутро во 8 часот.
Емилиано пред да се пресели во Кардиф настапуваше во екипата на Нант, а првиот човек на англискиот премиерлигаш Мехмет Далхам изјави дека е загрижен за Аргентинецот кој што денес требало да се појави на првиот тренинг во својот нов клуб.
There is a new Sala in town @premierleague ? Very happy to sign here @cardiffcityfc !! I know the challenge is big but together we will make it ?
— Emiliano Sala (@EmilianoSala1) January 19, 2019
Impatient to discover the league & the team #BlueBirds pic.twitter.com/OiNQUpBpiB
Последната фотографија која што ја објавил на својот профил на Инстаграм била последната фотографија со неговите соиграчи од Нант со кои што ги поминал изминатите четири години.
