Тимскиот шеф на Мерцедес, Тото Волф, се предомислил за хало системот за заштита на кокпитот и главите на возачите по инцидентот помеѓу Шарл Леклер и Фернандо Алонсо на ланскиото Белгиско Гранд При.
Мекларенот на Алонсо, подбутнат од Нико Хулкенберг, го прелета Зауберот на Леклер, а со тркало мина токму над главата на Леклер. ФИА го истражи инцидентот и дојде до заклучок дека младиот возач ќе имал проблеми доколку болидот немал хало. Ова било доволно за австрискиот тимски шеф да се предомисли.
„СЕ ПРЕДОМИСЛИВ, НО ЕСТЕТИКАТА СЕУШТЕ НЕ МИ СЕ ДОПАЃА И СЕ НАДЕВАМ ДЕКА ВО ИДНИНА ЌЕ НАЈДЕМЕ НЕКАВО РЕШЕНИЕ КОЕ ЌЕ ИЗГЛЕДА МНОГУ ПОДОБРО.
НО, МИ СЕ ДОПАЃА ШАРЛ, МЛАД ВОЗАЧ ВО НАДОАЃАЊЕ КОЈ ЗАСЛУЖУВА ДА БИДЕ ВО ФОРМУЛА 1 И НИКОГАШ НЕ БИ СИ ПРОСТИЛ АКО ГЛАСАВ ПРОТИВ ХАЛО И ИСТОТО НЕ УСПЕЕШЕ ДА ГО НАЈДЕ ПАТОТ ДО ФОРМУЛА 1. ВО ТОЈ СЛУЧАЈ ЌЕ ИМАВМЕ ТЕШКИ ИНЦИДЕНТИ СО КАТАСТРОФАЛНИ ПОСЛЕДИЦИ.
ИАКО ЕСТЕТИКАТА НЕ Е УБАВА, ИНИЦИЈАТИВАТА Е ФАНТАСТИЧНА И НИ ПОКАЖА ЗА ШТО СЛУЖИ. СРЕЌЕН СУМ ШТО ЖАН ТОД ПРИТИСКАШЕ ЗА ВОВЕДУВАЊЕ И НЕ МИ ДАДОА МОТОРНА ПИЛА НА ПОЧЕТОКОТ НА ГОДИНАТА КАКО ШТО САКАВ.
НИ ТРЕБА БАЛАНС ПОМЕЃУ ЕСТЕТИКА И БЕЗБЕДНОСТ. ЛИЧНО МИ СЕ ДОПАЃА ДЕЛУМНО ЗАТВОРЕНИОТ КОКПИТ КАКО БОРБЕН АВИО, НО ПОМЕЃУ ФИА И ФОМ МОРА ДА СЕ НАЈДЕ ПРАКТИЧНО И КОРИСНОСТ ВО ОДНОС НА РЕШЕНИЕ КОЕ ИЗГЛЕДА ДОБРО И СПАСУВА ЖИВОТИ“, ПОЈАСНИ ВОЛФ.
