Познатиот Формула 1 стручен коментатор, Тони Жардин, тврди дека следниот договор на Луис Хамилтон ќе биде со најтрофејниот Формула 1 тим, Ферари.
Неколку пати во својата долга и плодна Формула 1 кариера, британецот беше поврзуван со Маранело. Сепак, лани тој потпиша нов договор со “сребрените стрели“ согласно кој треба да остане во тимот и следните две сезони.
„ПО ДОГОВОРЕНИТЕ ДВЕ ГОДИНИ ВО МЕРЦЕДЕС, МОЖЕБИ ЌЕ САКА ДА ЈА ЗАВРШИ КАРИЕРАТА ВО ФЕРАРИ И ЌЕ ПОТПИШЕ ДВОГОДИШЕН ДОГОВОР СО НИВ, НЕШТО ШТО БИ БИЛО ФАНТАСТИЧНО. СЕКОЈ ВОЗАЧ САКА ВО СВОЈАТА КАРИЕРА ДА ВОЗИ ЗА ФЕРАРИ, ТОА Е СЕЧИЈ СОН. ФЕРАРИ Е КАКО МАНЧЕСТЕР ЈУНАЈТЕД ВО ФУДБАЛОТ, ЦРВЕНА БОЈНА, ОГРОМНА ИСТОРИЈА, НЕВЕРОЈАТНО НАСЛЕДСТВО.
ТРАДИЦИОНАЛНО БРИТАНЦИТЕ СЕ ОДЛИЧНИ ВО ФЕРАРИ. ПОГЛЕДНЕТЕ ГО МАЈК ХАОУТОРН, ПОГЛЕДНЕТЕ ГО ПИТЕР КОЛИНС, ПОГЛЕДНЕТЕ ГО НАЈЏЕЛ МАНСЕЛ КОГО ИТАЛИЈАНЦИТЕ ГО ОБОЖАВАА. СИГУРЕН СУМ ДЕКА ИСТО ТАКА БИ ЈА ОБОЖАВАЛЕ И НЕГОВАТА КАЦИГА ВО ЦРВЕНО ФЕРАРИ, ТОА БИ БИЛО НЕВЕРОЈАТНО. СИГУРЕН СУМ ДЕКА НЕ СУМ ЕДИНСТВЕН КОЈ СМЕТА ТАКА“, ПОЈАСНИ ЖАРДИН.
Сепак, новинарот е свесен дека се зависи од развојот на настаните во Маранело во следните две години.
„АКО НА ФЕРАРИ НЕ ИМ ОДИ, АКО ТИЕ СЕ БАВНИ И СЛАБИ, МИСЛАМ ДЕКА НЕМА ДА ОДИ ТАМУ. ТИЕ МОРА ДА СЕ КОНКУРЕНТИ И ДОБРИ ЗА ТОЈ ДА СЕ СОГЛАСИ ДА ВОЗИ ЗА НИВ. СЕПАК, БИ БИЛ ОДЛИЧЕН КРАЈ НА НЕГОВАТА БЛЕСКАВА КАРИЕРА“.
