Првиот продолжен викенд веќе е пред нас, бидејќи неработен ден е 7-ми јануари, понеделник. И за големиот христијански празник Велигден ситуацијата е слична, кога неработен ден е 29-ми април, понеделник. Неработниот ден посветен на сесловенските просветители „Св. Кирил и Методиј“ - 24-ти мај се паѓа во петок, па така граѓаните ќе имаат уште еден продолжен викенд. Продолжен викенд ќе имаме и за Денот на Републиката – 2-ри Август, кој е во петок, како и за Денот на независноста – 8-ми Септември, кој е во недела, но неработниот ден се преместува за 9-ти септември, понеделник.

11-ти Октомври - Денот на народното востание исто така е неработен ден кој се врзува со викенд, бидејќи е петок, додека 8-ми Декември – „Св. Климент Охридски” е во недела, а неработниот ден се преместува за понеделник, 9-ти декември.

За сите граѓани на Република Македонија неработни денови се и 1-ви Мај – Денот на трудот (среда), 4-ти Јуни (вторник) – Рамазан бајрам, и 23-ти Октомври (среда) – Ден на македонската револуционерна борба и 8-ми Декември.

Еве ја комплетната листа на сите неработни денови согласно со Законот за празниците на Република Македонија (Сл.весник на РМ број 21/98 и 18/07) во 2019:

За сите граѓани на РМ

- 01 јануари (вторник), Нова Година,

- 07 јануари (понеделник), Божик, првиот ден на Божик според православниот календар,

- 29 април (понеделник), Велигден, вториот ден на Велигден според православниот календар, 

- 01 мај (среда), Ден на трудот,

- 24 мај (петок) „Св. Кирил и Методиј“ Ден на сесловенските просветители,

- 04 јуни (вторник), Рамазан Бајрам, првиот ден на Рамазан Бајрам,

- 02 август (петок), Ден на Републиката,

- 08 септември (недела), Ден на независноста, односно 09 септември (понеделник) е неработен ден, 

- 11 октомври (петок), Ден на народното востание,

- 23 октомври (среда), Ден на Македонската Револуционерна Борба,

- 08 декември (недела), “Св. Климент Охридски”, односно 09 декември (понеделник) е неработен ден. 

За граѓаните од православна вероисповед

- 06 јануари (недела), Бадник, ден пред Божик,

- 19 јануари (сабота), Богојавление (Водици),

- 26 април (петок), Велики Петок, петок пред Велигден,

- 14 јуни (петок), Духовден, петок пред Духовден,

- 28 август (среда), Успение на Пресвета Богородица (Голема Богородица).

За граѓаните од католичка вероисповед

- 22 Април (понеделник), Велигден, вториот ден на Велигден,

- 01 ноември (петок), Празникот на сите светци,

- 25 декември (среда), првиот ден на Божик.

За граѓаните од муслиманска вероисповед

- 11 август (недела), Курбан Бајрам, првиот ден на Курбан Бајрам,

За граѓаните припадници на албанската заедница во РМ

- 22 ноември (петок), Ден на Албанската азбука,

За граѓаните припадници на српската заедница во РМ

- 27 јануари (недела), Свети Сава,

За граѓаните припадници на ромската заедница во РМ

- 08 април (понеделник), Меѓународен ден на Ромите,

За граѓаните припадници на влашката заедница во РМ

- 23 мај (четврток), Национален ден на Власите,

За граѓаните припадници на еврејската заедница во РМ

- 09 октомври (среда), Јом Кипур, првиот ден на Јом Кипур,

За граѓаните припадници на бошњачката заедница во РМ

- 28 септември (сабота), Меѓународен ден на Бошњаците,

За граѓаните припадници на турската заедница во РМ

- 21 декември (сабота), Ден на настава на турски јазик.