Француската полиција предмалку потврди дека е убиен Шериф Шекат, терористот кој што во неодамнешниот напад во Стразбур уби три, а рани 13 лица.
Како што пренесуваат француските медиуми, најпрвин се слушнале нови истрели во градот кои што повторно предизвикале паника меѓу населението, а набрзо потоа градот започнале да го надлетуваат и хеликоптери.
Се слушнале три-четири истрели, а додека објави полицијата за што станува збор, во градот повторно завладеала паника. Според зборовите на францускиот министер за внатрешни работи, Кристоф Кастанер, кој што имаше вондредно обраќање, вкупно 720 лица биле мобилизирани да го пронајдат исламистот кој изврши напад на Божиќниот пазар.
??? En images, l'énorme présence policière dans le quartier de la #Meinau. #CherifChekatt, démasqué, aurait tenté de s'enfuir de l'entreprise où il était retranché, rue Lazaret. La police l'a alors abattu. Il est mort. #Strasbourg. #Neudorf pic.twitter.com/vaCwwAiv2c
— La Plume Libre (@LPLdirect) December 13, 2018
На потерницата Шекат беше опишан како 29-годишно лице, висок 180 сантиметри, со нормална телесна градба, кратка коса и темен тен. Од полицијата ги предупредија граѓаните дека станува збор за исклучително опасно лице.
Француската полиција деновиве ја надгледуваше границата со Германија поради стравување дека напаѓачот од Стразбур би можел да побегне во Германија. Според првичните информации, Шекат бил пронајден во истиот кварт каде што полицијата го барала ноќта кога беше изведен крвавиот напад.
Француски „Ле Монд“ открива дека исламистот бил пронајден и убиен од полицајците јужно од тој кварт во францускиот град Стразбур, а на социјалните мрежи се појавија видеа на кои што се гледа како полицајци им аплаудираат на колегите кои што го фатија и ликвидираа терористот.
#France: The police applauded after the neutralization of the radical Islamist #CherifChekatt tonight in #Strasbourg #Breaking pic.twitter.com/S5RoP4CObL
— Compact News (@NewsCompact) December 13, 2018
