Голем питон, долг 1,5 метри и тежок пет килограми паднал од плафонот на една банка во кинескиот град Нанинг, плашејќи ги вработените во текот на состанокот.
Змијата влегла во филијалата на кинеската банка "Industrial and Commercial" во автономната кинеска покраина Гуангси, за во еден момент да падне од плафонот помеѓу двајца од вработените, пренесува австралискиот "ABC".
Was it there to make a deposit? Shocking moment a giant python drops from the ceiling during a meeting at a bank in south China's Guangxi, sending staff to flee. The creature has been captured and the purpose of its visit is under investigation. pic.twitter.com/EkTJ2RUBds
— People's Daily, China (@PDChina) October 12, 2018
На снимката од безбедносните камери се гледа како вработените бегаат во сите правци откако питонот паднал на подот, а потоа се сокрил зад каучот. Персоналот веднаш ја повикал службата на комунална зоохигиена која брзо пристигнала на местото и со професионални помагала ја фатила змијата, ставајќи ја во проѕирна ќеса.
Питонот, како што е соопштено, не бил отровен и веројатно бил одгледуван од лице кое живеело во близина на филијалата.