Турското министерство за надворешни работи денес соопштило дека турските власти ќе го пребараат конзулатот на Саудиска Арабија во Истанбул, во рамките на истрагата за исчезнатиот саудиски новинар, Џамал Кашоги.
Саудиските власти ја известиле Анкара дека се отворени за соработка и дека ќе дозволат зградата на конзулатот да биде пребарана, се наведува во соопштението.
Турското министерство не прецизирало кога ќе се пребараат просториите на конзулатот.
LIVE: Turkey searches Saudi Arabia consulate after journalist vanishes https://t.co/3Q5X4GHetG https://t.co/nbT3iHf6Si pic.twitter.com/kCdkpKKtcN
— RT (@RT_com) October 9, 2018
59-годишниот Кашоги исчезнал пред една седмица, откако влегол во конзулатот за да добие документи потребни за склопување брак со својата турска свршеничка.
Турските службеници стравуваат дека тој бил убиен во комплексот на конзулатот, додека саудиските службеници наведуваат дека тој ја напуштил зградата неповреден, но не пружиле докази дека тој некогаш излегол од неа.
Six vehicles left two hours after #JamalKhashoggi went inside the Consulate. Each group of 3 went to 2 different directions. 2 of the vans had Saudi number plates (diplomatic immunity) & black covers on the windows. Police think Jamal’s body might be carried out in one of these. pic.twitter.com/vsk3qZEIWa
— Hilâl Kaplan (@HilalKaplanEng) October 8, 2018
Турскиот претседател Реџеп Тајип Ердоган вчера го повикал Ријад да пружи докази дека Кашоги жив го напуштил конзулатот.
Кашоги ја напуштил Саудиска Арабија минатата година, откако ја критикувал саудиската политика во Јемен и притисокот кој се врши на критичарите на власта.
