Еден од најпознатите календари на светот, оној со Владимир Путин во главна улога, се појави на Интернет. И за новата 2019 година одбрани се најпознатите фотографии на Путин, вклучувајќи ги и оние без маици.
"Семоќниот Путин" во календарот си игра со тигар, пука со пиштол, лови риба, се капи во студена вода, јава коњ, тренира, игра хокеј...
На една од фотографиите е облечен во воена униформа со крзни детали и се гледа пушката која Путин ја носи на грбот.
Како што пренесува The Sun, сè уште не е познато дали станува збор за календар кој е одобрен од Кремљ, но копиите почнаа да се продаваат на ebay.
Календарот се продава и низ продавниците, а реакциите на Москва се поделени.
"Го сакам, навистина е добар календар. Владимир, љубов моја", рекла една жителка на Москва. Целосниот календар погледнете го тука.
