Поранешниот британски министер за надворешни работи, Борис Џонсон, ја исмеал премиерката на таа земја, Тереза Меј, објавувајќи фотографија на која трча низ поле, а токму таа сцена премиерката ја опишала кога во едно телевизиско интервју ја прашале што е "најпалавата" работа што некогаш ја направила.
Тереза Меј во јуни 2017. година во тоа интервју признала дека "трчала низ житни полиња" со пријателка и дека локалните "фармери не биле премногу воодушевени од тоа".
Пред важниот говор на конференцијата на Конзервативната партија, Џонсон бил фотографиран како во близина на својот дом трча низ поле, кое речиси сигурно не е житно, но има жолто-кафена боја, пренесува порталот "Politico", со оцена дека Џонсон продолжува со обидите да ја напаѓа Меј.
Boris Johnson 'trolls' Theresa May by running through 'field of wheat' https://t.co/8ys3sebgJk
— Sky News (@SkyNews) October 1, 2018
Во својот извештај за раното утринско трчање на Џонсон, "Daily Mirror" покрај фотографијата напишал "Сладок Исусе".
Поранешниот шеф на британската дипломатија е во жесток спор со премиерката поради нејзината стратегија за Брегзит.
