Преплашени, изгубени, мокри и немоќни: Ураганот Флоренс за овие животни е поголема катастрофа од тоа што можеме да си замислиме

Сепак, спасувајќи луѓе, спасувачките служби успеваат да им помогнат и на некои од животните кои не можат да разберат каква опасност ги снашла. За жал, многу неодговорни сопственици заборавиле на љубовта кон своите миленици и ги препуштиле на судбината во незапаметените поплави. 

Фотографијата која го обиколила светот и на која никој не останал рамнодушен прикажува мокро и преплашено маче, кое со канџите одвај се држи на ивицата од куќата додека водата влегува.

Мачето било спасени и изнесено од водата, но најавите дека во наредните денови водата ќе расте повеќе, не влева многу надеж за напуштените животни.

Меѓу спасените животни се нашол и еден преплашен див зајак. Спасувачите со чамец го донеле до безбедна локација и го пуштиле во дивината.

Многу животни биле спасени благодарение на човекот кој го претворил својот училишен автобус во еден вид на Ноева арка и собирал напуштени мачки и кучиња кои се нашле на патот на смртоносниот ураган.