Творецот на електричните автомобили "Tesla" и генерален директор на истоимената компанија, Илон Маск, во новото интервју признал дека е под голем стрес и притисок, особено оваа година.
"Претходниот период беше најтежок и најболен во мојата кариера, беше исцрпувачки", изјавил Маск.
In an emotional interview with The New York Times last week, Elon Musk said he had been working up to 120 hours a week, and that he had not taken more than a week off since 2001, when he was bedridden with malaria https://t.co/kBS5yPz87e
— The New York Times (@nytimes) August 20, 2018
Тој важи за ексцентричен визионер. Неговата најава дека би можел да ги откупи акциите на компанијата со цел таа да стане приватна, ја подигна цената на акциите за 11 отсто за само 24 часа, што резултирало со подигнување на вредноста на компанијата за 6 милијарди долари.
Се случувало Илон Маск да работи по три до четири дена во фабриката и воопшто да не излегува, а вели дека не зел годишен одмор подолг од седум дена од 2001 година, кога добил маларија.
Извори блиски до компанијата тврдат дека поради ситуацијата со "Tesla", тие пробуваат да најдат некој кој би му помогнал на Маск со обврските, со цел малку да го ослободат од притисокот.
Тој истакнува дека нема намера да ја напушти функцијата на генерален директор, но ако луѓето од "Tesla" сметаат дека имаат некој кој може подобро да работи наместо него, тој веднаш ќе ги "препушти уздите".
