Најновите фотографии од Ким Јонг Ун кои ги објавија државните медиуми во Северна Кореја, за прв пат го прикажуваат лидерот како позира пред репортерите во поткошула, без препознатливиот горен дел од костумот.
Во текот на посетата на еден рибник, Ким го соблекол своето одело, кое уредно, префрлено преку раце го носела неговата сопруга Ри Сол-ју, додека останатите членови на делегацијата останале во своите униформи наспроти топлото време кое со денови ги мачи жителите на корејскиот полуостров.
North Korea heatwave: Kim Jong-un strips to his vest https://t.co/CY1ge6qdH6
— BBC News (World) (@BBCWorld) August 9, 2018
На почетокот на посетата Ким се појавил со сламен шешир на главата и во посветол костум од обично, со препознатливи широки панталони.
Со оглед на високите температури кои тој ден достигнувале и до 37 Целзиусови степени, Ким Јонг Ун го соблекол сакото и одлучил да се прошета во поткошула со кратки ракави, на која и биле откопчани и горните две копчиња.
