Единствена Македонија ја повикува ВМРО-ДПМНЕ да донесе одлука за бојкот на референдумот кој денеска ќе го распише Собранието за 30 септември годинава.
„Во овие тешки моменти за Татковината кога пучистичката власт е во очајнички обид да сруши се што е македонско, го повикуваме ВМРО-ДПМНЕ да биде на страната на патриотските политички сили во Македонија, македонскиот народ, поголем дел од граѓаните, Македонците во странство, кои нема да излезат на претстојниот референдум оти не сакаат промена на вековното македонско име.
Единствена Македонија верува дека и ВМРО-ДПМНЕ ја дели нашата спремност да останеме свои на своето, да се оди до крај во одбрана на Македонија и Македонците од јасно изразената намера на пучистичката власт во Скопје да го промени името.
Во овој момент мора да се тргнат настрана тесно-партиските интереси и сите национални и патриотски сили правилно да ги распоредат интересите што подразбира, на прво место националниот и државниот интерес, на второ место партискиот интерес, а дури некаде на трето место личниот интерес.
Ова зло што и се случува на Република Македонија е познато. Се вика пучистичка власт во Скопје која сака да сруши се што е македонско. Националните и патриотските сили имаат обврска тоа да не му го дозволат Да се обединиме против референдумот, а после на избори секој нека оди со своите определби оти простата вистина вели дека доколку се сруши државата сите ќе не затрупа во неа!“ се наведува во соопштението на Единствена Македонија.
