Најмалку 11 лица загинаа во Мисури, откако се превртел брод кој превезувал туристи по езеро, соопшти полицијата.
Амфибиското возило „Ride the Ducks“ на кое имало 31 патник се превртело на езерото Table Rock во близина на Бренсон во Мисури, рече шeрифот на округот, Даг Радер.
Седум лица се пренесени во болница, а нуркачите трагаат по исчезнати. Невремето над езерото наишло неверојатно брзо, објаснил Рик Кетелс, сопственик на одморалиштето Lakeside, туристички комплекс на бреговите на езерото.
Video from a second 'Ride The Ducks' boat that made it safely back to shore. It was on the water at Table Rock Lake at the same time as the boat that capsized. (Credit: Paul Lemus) pic.twitter.com/AKQmWfdoal
— Jason Boatright (@TheJasonBoat) July 20, 2018
„Живеам тука поголем дел од мојот живот, но никогаш не сум доживеал таква страшна бура“, рече тој. Локалната метеоролошка прогноза не предупредила на опасност од бура, додал Кетелс. Езерото Table Rock се наоѓа во јужниот дел на државата Мисури, на границата со Арканзас.