Спасувачот и милијардерот "на нож": Стави си ја подморницата каде што најмногу боли! "Таа работи, педофилу"

Нуркачот Верн Ансворт понудата на Маск за помош на 12-те деца и тренерот ја нарекол медиумски трик. 

Милијардерот Маск на тајландските спасувачи им донел мини-подморница дизајнирана за извлекување на децата, но се воспоставило дека е неупотреблива во дадените околности. Некои на социјалните мрежи ги пофалиле напорите на Маск, но многумина го обвиниле за самопромоција.

"Може да си ја стави подморницата каде што најмногу боли", револтирано рекол спасувачот Верн Ансворт за "CNN". "Немаше шанси да работи. Тој нема поим колкав е преминот низ пештерата. Подморницата е долга околу два метри и крута, не би можела да ги мине кривините. Ни би ги минала ни првите 50 метри во пештерата. Добар PR трик", рекол Ансворт.

Маск во неделата на Твитер објавил дека ќе сними видео со кое ќе докаже дека неговата мини подморница би била успешна во спасувањето и додал: "Жал ми е, педофилу, но тоа го бараше".

Кевин Бомон забележал "Маск нарекува педофил човек кој ги пронашол децата", а милијардерот му одговорил: "Се обложувам во потпишан долар дека тоа е вистина". Уследиле жестоки критики - во дискусијата се вклучиле и бројни учесници во мисијата, кои го нападнале Маск бидејќи неодговорно изнесувал такви сериозни обвиненија.

Маск подоцна ги избришал своите објави, но Ансворт вели дека размислува да го тужи.

"Шокиран сум и бесен. Ме нарече педофил. Мислам дека луѓето сфаќаат каков човек е тој", рекол Ансфорт за "Guardian". Маск и претходно на Твитер навредил уште еден критичар кој неговата идеја за подморницата ја нарекол "апсурдна".

"Следи ме и натаму, кретену", напишал Муск во објавата која исто така во меѓувреме ја избришал.