„Многу години имавме чувство дека ја пропуштаме секоја шанса и дека лоши работи се случуваат на државата“, рече синоќа Министерката за одбрана Радмила Шекеринска на големата граѓанска прослава „Одиме напред – Македонија во НАТО и ЕУ“.
Таа, во својата изјава рече дека на граѓаните им е доста од лоши вести и од трауматични искуства.
„Денеска е ден кога можеме да кажеме дека нешто успеавме заедно. Дека за оваа држава, издејствувавме две историски шанси, почеток на преговори со Европската унија и покана за НАТО“.
Таа го сподели впечатокот од забавите во повеќето градови од земјава, велејќи дека пораката на граѓаните е, како што рече таа, „сакаме добри вести и сакаме резултати“.
