Си-ен-ен објави дека е извлечено уште едно, петто по ред, дете од пештерата во Тајланд. Телевизијата објави дека член на спасувачкиот тим рекол дека едно момче било видено на носилка пред влезот на пештерата во 16.27 часот по локално време. Оваа информација не е потврдена.
Првите четири деца беа спасени вчера во акција која траеше осум часа. Тие се во болница, во стабилна состојба, но сè уште не смеат да се видат со семејствата. Ќе бидат под 48 часовен мониторинг.
Дванаесет деца и нивниот тренер по фудбал се заглавени во пештерата од 23 јуни.
