Третиот и најголем аеродром во турскиот град Истанбул кој ќе биде и еден од најголемите на светот, најверојатно ќе го носи името на турскиот претседател Реџеп Таип Ердоган.
Оваа идеја ја предложи актуелниот министер за транспорт и комуникации на Турција, Ахмет Арслан.
Како што пренесуваат турските медиуми, министерот Арслан предложил новоизградениот аеродром во Истанбул кој ќе биде најголем во државата и еден од најголемите во светот да го носи името на актуелниот претседател на Турција поради неговиот придонес во развојот на Истанбул во последните 16 години.
Третиот и најголем аеродром во Истанбул ќе биде отворен во октомври оваа година, а во неговата изградба беа вложени вртоглави 12,5 милијарди евра.
Се проценува дека новиот аеродром во Истанбул ќе може да прими околу 200 милиони патници на годишно ниво, а најавено е дека секојдневно ќе бележи и до три полетувања и слетувања на авиони од речиси сите земји на светот.
Minister of Transport, Maritime & Communications, Ahmet Arslan has proposed the name “Recep Tayyip Erdoğan Airport” for Istanbul’s new airport “looking at his contributions in the last 16 years and as Istanbul Metropolitan Mayor before that, why not?” pic.twitter.com/ZSyfQ6Ysmd
— dokuz8 NEWS (@dokuz8_EN) June 22, 2018
Моментално најголемиот аеродром во Истанбул го носи името на таткото на модерна Турција, Мустафа Кемал Ататурк.