Американскиот претседател Доналд Трамп во четвртокот рекол дека неговата сопруга Меланија е на границата со Мексико во обиколка на центарот за деца мигранти, по бурните реакции на јавноста поради одвојувањето на децата од родители, кои илегално влегле во САД.
Првата дама на САД, Меланија Трамп, се нашла на мета на критики поради јакната со натпис "Навистина не ми е гајле, а тебе?", која ја носела при посетата на центарот во Тексас, каде биле сместени децата мигранти.
Станува збор за јакна од "Zara" од 39 долари, а натписот предизвикал бурни реакции на социјалните мрежи.
Портпаролката на Меланија Трамп рекла дека не постои скриена порака во изборот на облека на првата дама. По овој повод се огласил и американскиот претседател Доналд Трамп, кој тврди дека пораката на јакната на неговата сопруга се однесува на медиумите кои објавуваат лажни вести.
"Натписот "Навистина не ми е гајле, а тебе" на јакната која ја носеше Меланија се однесува на медиумите кои објавуваат лажни вести. Меланија сфати колку се нечесни", напишал Трамп на Твитер.
“I REALLY DON’T CARE, DO U?” written on the back of Melania’s jacket, refers to the Fake News Media. Melania has learned how dishonest they are, and she truly no longer cares!
— Donald J. Trump (@realDonaldTrump) June 21, 2018
Меланија Трамп била фотографирана со јакната при влегувањето во авион и во автомобил. Таа не била видена да ја носи јакната кога пристигнала во Тексас, но ја имала на себе кога се враќала во Вашингтон.
Меланија Трамп го обиколила прифатилиштето за деца во Мекален, ден откако нејзиниот сопруг ја потпишал извршната уредба, со која на имигрантските семејства, кои илегално ја минуваат границата на САД, им се овозможува да останат заедно додека чекаат на резултатот од имиграционата постапка.
Today's visit to #Texas to spend time with children & thank the many hardworking individuals helping to care for them was very meaningful. Thank you to @SecAzar @HHSGOV for traveling w me today & the care you are giving these children in such a difficult time. pic.twitter.com/P5orrJ4k6p
— Melania Trump 45 Archived (@FLOTUS45) June 22, 2018
Во тој центар престојуваат 55 деца на возраст од 5 до 17 години од Хондурас и Ел Салвадор. Само шест од нив биле одвоени од родителите, а останатите пристигнале како малолетници без придружба. Првата дама побарала децата да бидат обедините со своите семејства што побрзо.
Трамп, и покрај тоа што ја потпишал уредбата, нагласил дека ќе продолжи политиката на "нулта толеранција", која подразбира кривично гонење на сите возрасни лица кои ќе бидат фатени како ја минуваат границата илегално.
NEW: @FLOTUS spokeswoman Stephanie Grisham when asked what message the first lady's jacket intends to send: "It's a jacket. There was no hidden message. After today's important visit to Texas, I hope this isn't what the media is going to choose to focus on."
— Meridith McGraw (@meridithmcgraw) June 21, 2018
Патот во Тексас е најважното појавување на првата дама во јавноста по операцијата бубрегот на 14. мај. Трамп во четвртокот објавил дека издал упатство до сојузната агенција да почне со спојување на семејствата со децата кои биле раздвоени на американско-мексиканската граница.
"Не е шега. Меланија Трамп носеше јакна со порака "Навистина не ми е гајле, а тебе" кога одеше во центарот за деца. Немам зборови", објавил на Твитер Зак Петканас, член на демократската партија.
На Твитер се заредиле прашања и најразлични гледишта, а некои велеле дека можеби пораката е за нејзиниот сопруг.