По средбата со македонскиот и грчкиот министер за надворешни работи, Никола Димитров и Никос Коѕијас, попладнево во Виена, медијаторот Метју Нимиц изјави дека имале интензивни разговори на кои и двајцата дипломати покажале голема посветеност и решителност за решавање на спорот за името.
„Имавме динамичен разговор. Двете страни се посветени на постигнување решение и процесот ќе продолжи во следните недели“, порача Нимиц.
По средбата, која траеше околу три часа, Димитров и Коѕијас не дадоа изјава за медиумите.