ДОМ ја поздравува препораката од ЕУ за започнување преговори за членство. Од партијата велат дека препораката претставува заслужен и очекуван поттик за Македонија по двегодишниот застој и можност и за собирање сила за спроведување на реформи во насока на демократско, праведно и просперитетно општество.
„Препораката е најава за убави работи што ги очекуваат европски ориентираните граѓани. Се надеваме дека во јуни конечно ќе добиеме и датум за отпочнување на преговорите, а потоа и ќе ги водиме, со многу ентузијазам и енергија, во интерес на граѓаните на Република Македонија“, велат од ДОМ.
Во соопштението се додава дека би било погубно за нас, но и за ЕУ, ако бидеме повторно оставени на слепиот колосек со осмата препорака.
