Белгискиот обвинител денес потврди дека претседателот на каталонската влада, Карлес Пуџдемон утринава им се предаде на полицијата со уште четири поранешни министри на каталонската влада.
Портпаролот на обвинителот изјави дека Пуџдемон и министрите денес на пладне ќе бидат сослушани од белгискиот судија и дека до утре наутро ќе се знае за нивната судбина, пренесува Ројтерс.
Белгиското државно обвинителство соопштило дека и претходно се размислувало за апсење на Пуџдемон и четворицата членови на распуштената регионална влада.
Променетиот каталонски лидер Карлес Пуџдемон синоќа изјавил дека е подготвен да соработува со белгиските власти, откако Шпанија побарала Европски налог за негово апсење.
"Подготвени сме за соработка со белгиското правосудтство, откако беше издаден Европскиот налог за мое апсење од страна на Шпанија", напишал Пуџдемон на својот Твитер профил.
Иако Пуџдмон не прецизирал каде се наоѓа моментално, се претпоставува дека тој е во Белгија, каде тој и членовите од каталонската влада побегнале пред една седмица.
Белгиската влада нема да влијае врз неговата судбина, изјавил министерот за правосудство Коен Генс. Тој исто така рекол дека европскиот налог за апсење била потполно легална постапка.
"Ќе го предадеме на истражен судија во текот на следните денови", изјави Ван дер Сипт.
