Соработниците бесни на Пуџдемон: „Поради него сите ќе завршиме зад решетки“

Макфакс

02/11/2017

11:16

739

Големина на фонт

а а а

Соработниците на Карлос Пуџдемон од поранешниот каталонски парламент сметаат дека неговата одлука да побегне во Белгија е неодговорна и дека ќе го извлече подебелиот крај.

Како што пренесува британски „Телеграф“, Џоан Џосеп Нует еден од шестмината членови на одборот на парламентот кои се повикани на сослушување во Мадрид, рече дека однесувањето на Пуџдемон ќе доведе до тоа сите кои се повикани на суд да бидат задржани зад решетки.

„Тоа не неодговорно. Таквиот став на претседателот Пуџдемон ќе доведе до тоа сите кои ќе ги повикаат на суд, за завршат во притвор, бидејќи тој на некој начин покажува дека бегството е можност“, изјави Нует.

Го повика сменетиот каталонски лидер да престане со стратешките потези и да се фокусира на преговорите со Мадрид околу референдумот.

Пуџдемон замина за Брисел, а постојат сомнежи дека неговото семејство се наоѓа во Романија. Неговиот белгиски адвокат изјави дека сè уште не е дојдено вистинското време, Пуџдемон да одговори на повикот на властите во Мадрид.

Пуџдемон истакна дека ќе се појави на суд кога ќе добие гаранција дека ќе му биде овозможено фер судење.

Тој и неговите соработници се обвинети за дела против уставниот поредок, меѓу кои се и побуна и поттикнување на побуна, а им се заканува затворска казна и до 30 години.