Ирачките сили во Мосул го ослободиле 11-годишното девојче кое Исламската држава го киднапирала и продала во 2014. година, изјавил главниот командант на полицијата, генерал Раед Шакир Џавдат.
Девојчето заедно со сестрите и мајката биле киднапирани од џихадистите во селото Кошоу, јужно од јазидскиот град Синџар во северен Ирак.
"Тие кои ги киднапирале овие деца се чудовишта", рекол главниот помошник на генералот Џавдат, мајор Џафар ал Батат, во видео снимката која денес била објавена, а на која се гледа ослободеното девојче во полициската станица во јужен Мосул.
Afrah Dakhil, 11-year-old #Yazidi girl kidnapped by #Daesh #ISIS and freed by #Iraq forces in #Mosul yesterday @AFP https://t.co/cNE4ZLhVmt pic.twitter.com/iMf0m9f3aD
Истакнатата јазидска пратеничка Виан Дакил, која помогнала лошата ситуација во која се наоѓа нејзината заедница да се претстави пред светот, рекла дека операцијата за ослободување на девојчето била внимателно планирана.
"Кога Исламската држава го заземала нејзиното село на 15. август во 2014. година, таа имала 8 години и била киднапирана заедно со мајката и сестрите. Прво била одведена во Тал Афар, а потоа продадена во Мосул", рекла Дакил за AFP.
The #security forces are saving the #Yazidi girl ,(Afrah) 11 years old who was #kidnapped by #ISIS in #Mosul pic.twitter.com/T1XgzgeX54
Џихадистите ги масакрирале Јазидите до тој степен што ОН официјално тоа го прогласил за геноцид. Заробените жени и девојчиња ги одвеле во робија, а потресните приказни на оние кои побегнале сведочат за невидените ѕверства на кои секојдневно се изложени. Повеќето од нив завршиле како сексуални робинки. Се верува дека повеќе од 3.500 жени и девојчиња се под ропство на џихадистите.