Средношколци од училиштето "Нова" победници на квиз на Централна и Источна Европа

Макфакс

15/02/2016

13:44

823

Големина на фонт

а а а

Интернационалниот натпревар CEESA Knowledge Bowl кој наједноставно може да се опише како голем ученички квиз се одржа во меѓународното училиште "Нова", а два тима од оваа образовна институција ги освоија првото и второ место.

Концептот зад овој турнир е учесниците да одговараат на случајно избрани прашања од теми од различни полиња како природни науки, историја, географија, уметност, лингвистика итн.

На дводневниот натпреварот учествуваа три тима од „Нова“ кои си ги измерија знаењата со ученици од Софија, Белград, Љубљана, Загреб и Краков. Две екипи предводени од средношколците Петар Пешев и Арт Саити се најдоа на првата и на втората позиција додека третиот НОВА тим чиј капитен беше Емилијан Чузмичи се пласираше на високото четврто место.

„Презадоволни сме од успехот кој го постигнаа нашите ученици кој воедно е и мотивација за сите следни тимови кои се ќе појават на CEESA Knowledge Bowl. Овој натпревар е на исклучително високо ниво и се оценува севкупното знаење на еден тим од сосема различни области. Во многу силна конкуренција, нашите екипи ги освоија првите места и се надеваме дека ќе продолжиме во таа насока и во иднина“, велат од „Нова“.

CEESA Knowledge Bowl е годишен турнир кој се одржува во различни градови, а во него земаат учество образовни институции од Централна и Источна Европа. За да се победи на овој натпревар потребно е да се има енциклопедиско знаење како и брзина со оглед дека поставеното прашање го одговара оној што прв ќе го стисне тастерот.


Спонзорирани линкови

Маркетинг