Од руската корвета во Бенгази се гледа само прамецот, вечерва е погоден и трговски брод

Точка

22/11/2026

22:05

215

Големина на фонт

а а а

Либиската морнарица го спасила екипажот на трговски брод што пловел под малтешко знаме. Бродот бил погоден крај Бенгази вечерва, неколку часа по експлозијата на руската корвета „Меркуриј“ во тамошната поморска база.

Двајца либиски воени извори за Ројтерс изјавиле дека морски дрон го погодил трговскиот брод крај Бенгази. Според либиското Министерство за здравство, неколку членови на екипажот се здобиле со полесни повреди и се во стабилна состојба.

Претходно во неделата одекнала експлозија на руски воен брод закотвен во базата. Компанијата за сателитски снимки „Вантор“ го идентификувала како корветата „Меркуриј“. На снимките што ги опишува Ројтерс се гледа дека бродот е превртен покрај кејот. Само прамецот е над водата.

Руската корвета Меркуриј за време на пловни испитувања во 2022 година

Корветата „Меркуриј“ за време на пловни испитувања во август 2022 година. Фото: Mil.ru / CC BY 4.0

Во експлозијата на корветата полесно се повредиле десет лица, меѓу кои руски и либиски државјани, изјавиле медицински извори за Ројтерс. Според властите во источна Либија, бродот на враќање кон Русија застанал во Бенгази за да наполни гориво и да земе залихи.

Првичната истрага на либиските власти упатува на напад со дрон врз корветата. Во моментот на објавувањето на извештајот на Ројтерс никој не презел одговорност.