Сообраќајната полиција проверува техничка исправност, безбедносна опрема и законски услови за организиран превоз на деца.
Засилените сообраќајни контроли на автобуси и товарни возила низ Македонија ќе траат до недела, 22 ноември. Полицијата ги спроведува во рамки на меѓународната акција „Truck & Bus“ на Европската мрежа на сообраќајни полиции, ROADPOL.

Автобуси во Скопје, архивска фотографија. Фото: Zé Valdi / Wikimedia Commons, CC BY-SA 2.0.
Кавер: Cibrev / Wikimedia Commons · CC BY-SA 4.0
Посебно внимание се посветува на техничката исправност на возилата и безбедносната опрема. Се проверува и исполнувањето на условите за организиран превоз на деца, вклучително и превозот за училишни и рекреативни патувања.
Контролите почнаа на 16 ноември. Покрај возилата и документите за превоз, полицијата ја проверува и способноста на возачите за безбедно управување.








