Офталмолошки прегледи се спроведени во „Григор Прличев“ во Железара и „Вера Јоциќ“ во Хиподром, во рамки на општинскиот проект за скрининг.
Ученици од основните училишта „Григор Прличев“ во Железара и „Вера Јоциќ“ во Хиподром добиле бесплатни проверки на видот, соопшти денеска, 19 ноември, Општина Гази Баба.
Прегледите се дел од проектот за бесплатен офталмолошки скрининг на учениците во општинските основни училишта.

Во општинското соопштение се нагласува дека целта е навремено да се препознаат евентуални проблеми со видот и да се поддржат здравјето и образованието на децата.
За реализацијата на иницијативата Општината им се заблагодари на „Промедика“, „Систина Офталмологија“, како и на раководствата и вработените во училиштата.
Од Гази Баба најавија дека ќе продолжат со проектите насочени кон здравјето и превенцијата кај најмладите.








