ЕУ усвои правила за полесна прекугранична заштита на возрасните на кои им е потребна поддршка

Точка

19/11/2026

14:00

282

Големина на фонт

а а а

Новата регулатива треба да го олесни признавањето на заштитните мерки и застапувањето во друга членка, при лекување, преселба или управување со имот.

Возрасните на кои им е потребна помош при донесување одлуки ќе добијат појасна заштита при престој или преселба во друга членка на ЕУ, според регулативата што Советот на Унијата ја усвои денеска, 19 ноември.

Правилата се однесуваат на прекугранични ситуации поврзани со медицинска грижа, управување со имот и преселување. Целта е да се зачуваат автономијата и слободата на избор на лицето на кое му е потребна поддршка.

Илустративна фотографија — Direct Media / StockSnap, CC0

Мерките за заштита донесени во една членка ќе се признаваат автоматски во друга, со ограничени исклучоци. Се воведува и заедничка европска потврда за поддршка и застапување, со која полесно ќе се докажува овластувањето на претставникот.

Како што соопшти Советот на ЕУ, новите правила не ги опфаќаат бракот, наследувањето и обврските за издржување.

Усвојувањето е последниот чекор во законодавната постапка. Регулативата ќе стапи во сила 20 дена по објавувањето во Службениот весник, а за најголемиот дел од мерките е предвидена одложена примена од 30 месеци.