Разликата во вработеноста меѓу мажите и жените во ЕУ се намали на 9,7 процентни поени

Точка

19/11/2026

12:45

153

Големина на фонт

а а а

Во 2025 година биле вработени 80,9 проценти од мажите и 71,2 проценти од жените на возраст од 20 до 64 години, објави денеска Евростат.

Родовиот јаз во вработеноста во Европската Унија се намалил на 9,7 процентни поени во 2025 година, покажуваат податоците што Евростат ги објави денеска, 19 ноември. Една година претходно разликата изнесувала 10 процентни поени.

Стапката на вработеност кај мажите на возраст од 20 до 64 години достигнала 80,9 проценти, а кај жените од истата возрасна група 71,2 проценти.

Илустративна фотографија — Kristin Hardwick / StockSnap, CC0

ЕУ има цел до 2030 година да го намали овој јаз на 5,7 процентни поени. Според новата објава на Евростат, во 2025 година таа граница веќе ја достигнале 65 од вкупно 244 региони.

Најмногу такви региони имало во Франција, 14, и во Германија, 12. Во Шведска целта била исполнета во седум од осумте региони.

Истовремено, во 26 региони разликата во вработеноста била најмалку 18 процентни поени. Меѓу нив се десет грчки, осум италијански и пет романски региони.