Студен прием за јапонската премиерка во Кина: Ракување со Си, но без билатерални разговори

Точка

19/11/2026

11:47

105

Големина на фонт

а а а

Санае Такаичи и Си Џинпинг се ракуваа на самитот на АПЕК, но не одржаа средба еден на еден. Токио ја отфрла оценката дека протоколот кон премиерката бил дипломатско омаловажување.

Јапонската премиерка Санае Такаичи доби значително поскромен прием во Кина од дел од другите лидери на самитот на АПЕК, опишува Ројтерс во денешниот извештај од Шенжен.

Таа и кинескиот претседател Си Џинпинг се ракувале на вечерата во средата и повторно во четвртокот, но не одржале билатерални разговори за надминување на спорот меѓу двете земји.

Санае Такаичи, втора одлево, на средба во март 2025 година

Санае Такаичи, втора одлево, на средба во март 2025 година; архивска фотографија, не од самитот во Кина. Фото: Кабинет на премиерот на Јапонија / Wikimedia Commons, CC BY 4.0.

Токио не гледа дипломатско омаловажување

За разлика од свечениот пречек за Доналд Трамп, кого Си лично го поздрави, Такаичи при пристигнувањето ја пречекал претставник на кинеското МНР. На заедничката фотографија била близу крајот на задниот ред.

Главниот секретар на јапонската влада Минору Кихара ја отфрли оценката дека станува збор за дипломатски студен туш. Според него, домаќинот ги испочитувал вообичаените протоколарни учтивости.

Односите се затегнати по минатогодишната изјава на Такаичи за можен јапонски воен одговор при кинеска акција врз Тајван што би го загрозила опстанокот на Јапонија. Таа денес изјави дека позицијата на земјата за Тајван не е променета од 1972 година.