Вработените во МВР повторно имаат здравствено осигурување

Макфакс

18/11/2026

17:10

95

Големина на фонт

а а а

Министерството за внатрешни работи го реши проблемот со здравственото осигурување за своите вработени и повторно им обезбеди осигурување преку координација со Фондот за здравствено осигурување.

Министерството за внатрешни работи информира дека проблемот со здравственото осигурување на вработените во МВР е надминат.

„По преземените активности и координацијата со Фондот за здравствено осигурување (ФЗО), успешно е надминат настанатиот проблем, при што на сите вработени во Министерството за внатрешни работи повторно им е обезбедено здравствено осигурување“, велат од МВР.

Од таму наведуваат дека МВР останува посветено на заштитата на правата и интересите на своите вработени, како и на обезбедувањето непречено остварување на нивните права од работен однос.