Изложба посветена на македонската поетеса Светлана Христова-Јоциќ

Макфакс

18/11/2026

10:10

105

Големина на фонт

а а а

Изложба посветена на македонската поетеса Светлана Христова-Јоциќ ќе биде отворена во Музејот на македонската борба за самостојност, каде што ќе се презентира богатата литературна дејност и лични предмети од семејството Андреевски, прикажувајќи го животот и творештвото на оваа значајна авторка.

Изложба посветена на истакнатата поетеса, есеист, раскажувач и писател за деца, Светлана Христова – Јоциќ, ќе биде отворена во Музејот на македонската борба за самостојност во четврток, 19 ноември, со почеток во 19:00 часот.

Автор е Ана Китановиќ, кустос, која преку изложениот материјал ќе потсети на еден богат книжевен живот, за трајната вредност на нејзиниот пишан збор и за авторката која остави длабока трага во македонската литература како претставник на втората генерација македонски книжевници. Изложбата за првпат пред пошироката јавност ќе ја презентирана официјалната донација на лични предмети од семејството Андреевски, овозможувајќи им на посетителите поблиску да се запознаат со животот и работниот амбиент на истакнатата поетеса.

Светлана Христова-Јоциќ (1937–2012) зад себе остави импресивен опус од над 20 книги. Таа беше долгогодишен новинар и уредник во Радио Скопје, секретар и претседател на Друштвото на писателите на Македонија, член на Македонскиот ПЕН-центар, главен уредник на ревијата „Стожер“ и списанието „Портал“, како и иницијатор на значајната меѓународна манифестација „Македонски духовни конаци“.

Изложбата е поддржана во годишната програма на Министерството за култура и туризам за 2026 година, а ќе биде поставена по постојаната поставка на музејот.