Новиот глобален извештај ги сумира доказите за влијанието на хемикалиите врз здравјето и предупредува дека само мал дел од супстанциите се соодветно испитани.
Изложеноста на хемикалии што го нарушуваат хормоналниот систем може да започне уште пред раѓањето, покажува новиот извештај на СЗО и Програмата на ОН за животна средина, објавен на 17 ноември.
Како што наведуваат организациите во заедничкото соопштение, вакви супстанции се откриени во крвта, мајчиното млеко и крвта од папочната врвца.

Процената е првото големо глобално ажурирање по извештајот од 2012 година. Таа посочува посилни докази за поврзаност со ефекти врз репродуктивното здравје, развојот на мозокот, метаболизмот и имунитетот.
Сепак, остануваат важни научни празнини. Луѓето и животните обично се изложени на мешавини од супстанции, додека многу регулаторни системи ги оценуваат поединечно.
Во светот се регистрирани над 350.000 хемикалии и мешавини за производство и употреба, но само мал дел се испитани за вакви својства. Организациите повикуваат на подобар мониторинг, порано препознавање на ризиците и побезбедни алтернативи.








