Пијан охриѓанец излетал од коловоз со четирицикл, му биле измерени 2,22 промили алкохол

Макфакс

17/11/2026

13:40

187

Големина на фонт

а а а

Пијан возач од Охрид изгубил контрола со четирицикл и излетал од коловозот. По алкотестирањето му биле измерени 2,22 промили алкохол во крвта, а против него ќе биде поднесена пријава.

Полициски службеници синоќа привеле 41-годишен охриѓанец, кој управувајќи четирицикл под дејство на алкохол, изгубил контрола и излетал од коловозот.

Како што информираат од МВР, инцидентот се случил на пресекот на булеварот „Туристичка“ со улицата „Стив Наумов“ во Охрид.

При извршениот увид и алкотестирањето било утврдено дека И.Г. (41) имал 2,22 промили алкохол во крвта.

Четирициклот со охридски регистарски ознаки бил одземен, а по целосно документирање на случајот, против возачот ќе биде поднесена соодветна пријава.