Капитенот на Баерн, Мануел Нојер (40), и неговата сопруга Аника (26) се разделиле по три години брак, пишуваат германските медиуми „Bild“ и „Bunte“. Двојката го доби својот втор син пред нешто повеќе од два месеца.
„Bild“ прв ја објави веста и пишува дека разделбата ја иницирал Нојер. Сè уште нема официјална потврда. Советникот за односи со јавноста на Нојер не сакал да ја потврди разделбата, а Аника не одговорила на прашањето на „Bild“, пишува „t-online“.
Manuel Neuer has separated from his wife Anika. The end of their marriage comes shortly after the birth of their second child [@BILD] https://t.co/iPlhAc1Z96
— Bayern & Germany (@iMiaSanMia) November 13, 2026
„Bunte“ наведува дека Аника и понатаму живее во нивната заедничка куќа на Тегернзе и дека двајцата останале во контакт. Нојер во последните неколку недели се појавувал во јавноста без бурма, додека на овогодинешниот Октоберфест сè уште ја носел, пренесува „t-online“.
Веста ја изненади германската јавност бидејќи двојката неодамна го доби своето второ дете. Нивниот втор син се роди кон крајот на летото, а постариот син Лука во март 2024 година, пишува „Abendzeitung“.
Нојер и Аника (родена Бизел) се запознале во 2020 година, неколку месеци откако голманот се раздели од својата прва сопруга. Во матичната служба се венчаа во ноември 2023 година, а големата свадбена прослава ја организираа во 2025 година во Италија. Аника е ракометарка и настапува во втората германска лига за „ESV 1927 Regensburg“, а работи и како инструкторка по пилатес.
Ова за Нојер би бил втор неуспешен брак. Од Нина Нојер, со која се венчаше во 2017 година, се разведе во 2020 година.
