Шестото издание на „November Run“ почнува денес со детските трки од 11:30 часот. Инклузивната трка е во 13:30, а главните трки на 5 и 10 километри се утре.
Гевгелија денес го започнува шестото издание на „November Run“ со детски трки и инклузивната „Run Together“. Според Општината, за дводневната програма се пријавени приближно 3.300 учесници.
Детската програма на 14 ноември почнува во 11:30 часот за родените во 2020 година и помлади. Во 12:00 трчаат генерациите 2018–2019, во 12:30 децата родени во 2016–2017, а во 13:00 генерациите 2013–2015.
Претставување на програмата за трките во Гевгелија. Каверот е од истото претставување. Фото: Општина Гевгелија
„Run Together“ започнува во 13:30 часот. Инклузивната трка, која ја нагласува еднаквата можност за учество, е дел од настанот четврта година по ред.
Утре, 15 ноември, трката на 5 километри е во 09:00, а на 10 километри во 10:15 часот. Стартот и целта се на улицата „7 Ноември“, меѓу Старата чаршија и платото пред споменикот на Сава Михајлов.
Организатор е АК „7 Ноември“. Податоците и програмата ги објави Општина Гевгелија на 13 ноември.
