Гордана Сиљановска-Давкова учествуваше на свечена вечера во Елисејската палата, организирана од претседателот на Франција Емануел Макрон, со цел да се прослават шефовите на држави и влади и да се дискутираат важни теми како мирот, геополитиката и иднината на Европската Унија.
Претседателката Гордана Сиљановска-Давкова информираше дека вчеравечер, во Елисејската палата, присуствувала на свечената вечера што во чест на шефовите на држави и влади ја приреди претседателот на Француската Република, Емануел Макрон, кој е иницијатор на Парискиот мировен форум.
„Во пријателски амбиент, разговорите од Форумот продолжија, со осврт на дел од темите за кои дискутиравме: мирот и геополитиката, животната средина и новите технологии, како и иднината на ЕУ“, наведе Претседателката.
