Хари Кејн ја освои Златната топка за 2026 година, но не успеа да се најде во идеалниот светски тим според изборот на „FIFPRO“. Англискиот напаѓач беше меѓу 26-те номинирани фудбалери, но неговото име не се најде меѓу избраните 11, што предизвика големо внимание во фудбалската јавност.
Фудбалерот на Баерн Минхен, кој го доби најпрестижното индивидуално признание во светот на фудбалот, не доби место во тимот што го избираат неговите колеги, професионални фудбалери од целиот свет.
The 2026 FIFPRO Men’s #World11 ✨
Decided exclusively by 19,806 professional men’s footballers worldwide.
By the players, for the players 🏆 https://t.co/MnHEMHxtf1
— FIFPRO (@FIFPRO) November 9, 2026
„FIFPRO World 11“ е посебно признание бидејќи за неговиот состав не одлучуваат новинари, навивачи или тренери, туку исклучиво професионални играчи. Во годинашното гласање учествувале 19.806 фудбалери од 73 земји, а биле оценувани настапите остварени од 4 август 2025 до 19 јули 2026 година.
Кејн се најде меѓу 26-те кандидати, заедно со имиња како Килијан Мбапе, Ерлинг Халанд, Лионел Меси, Кристијано Роналдо и Ламин Јамал, но не успеа да избори место во конечниот состав.
Во идеалниот тим се најдоа голманот Давид Раја, кој добил повеќе од 50 отсто од гласовите, иако не бранеше на Мундијалот. Тука се и одбранбените играчи Пау Кубарси, Ашраф Хакими и Нуно Мендеш, играчите од средниот ред Џуд Белингем, Родри и Витиња, додека нападот го сочинуваат Килијан Мбапе, Ерлинг Халанд, Лионел Меси и Ламин Јамал.
Меѓу фудбалерите што не добија место во идеалниот состав се најдоа и Хвича Кварацхелија и Мајкл Олисе.
