Подмладената селекција на Виктор Петровски тренираше во Скопје. Македонија ги отвора претквалификациите за ЕП 2029 во Букурешт на 11 ноември, а три дена подоцна игра во Штип.
Македонската женска кошаркарска репрезентација ги одработи првите тренинзи во салата „Лазар Лечиќ“ во Скопје пред почетокот на претквалификациите за Европското првенство во 2029 година. Селекторот Виктор Петровски и неговиот асистент Оливер Стојмановиќ на првите тренинзи работеа со 12 кошаркарки.
Димова и Митрева се приклучуваат во Букурешт
Цветанка Димова, која игра во Грција, и Теа Митрева, која настапува во Италија, ќе ѝ се приклучат на репрезентацијата во Романија. Македонија го отвора настапот во групата Ц на 11 ноември од 17:00 часот по македонско време против Романија во салата „Поливалента Рапид“.
Архивска фотографија од подготовките на женската репрезентација во февруари 2025 година. Фото: КФСМ
Првиот домашен натпревар е во Штип
На 14 ноември од 18:00 часот Македонија ја пречекува Естонија во спортскиот центар „Џексон“. Според распоредот на ФИБА, возвратните натпревари од групата се во февруари 2027 година.
