На програмата во Малата сала се камерни и вокални дела и фрагменти од балетите „Пепелашка“ и „Ромео и Јулија“.
Во Малата сала на Филхармонијата во Скопје вечерва, 9 ноември, од 19 часот ќе се одржи концерт со дела на Дмитри Шостакович и Сергеј Прокофјев. Влезот е слободен.
Портрети на Сергеј Прокофјев и Дмитри Шостакович. Фото: СМАРТ СДК
Повод за концертот се 120 години од раѓањето на Шостакович и 135 години од раѓањето на Прокофјев. Покрај „Прелудиум и фуга“ од Шостакович, публиката ќе слушне фрагменти од балетите „Пепелашка“ и „Ромео и Јулија“ на Прокофјев, како и камерни и вокални композиции.
На сцената ќе настапат пијанистките Викторија Митеска-Малезан и Огненка Герасимовска-Димитровска, виолинистките Анна Кондратенко и Ева Богоевска, сопранот Магдалена Тодоровска и бас-баритонот Дарко Тодоровски.
