На конференција во Загреб ќе бидат претставени предлози за рано откривање на менталните нарушувања и 30 мобилни тимови во заедницата.
Хрватската министерка за здравство Ирена Хрстиќ денес, 9 ноември, во Загреб ќе ги претстави акциските планови за ментално здравје до 2030 година. Претставувањето е дел од конференцијата „Здравствените предизвици на денешницата“, во организација на хрватската новинска агенција ХИНА.
Најавата за конференцијата во Загреб. Фото: ХИНА
Плановите предвидуваат скрининг за рано откривање ментални нарушувања кај 30 проценти од возрасните и половина од училишната популација. Предложени се и 30 мобилни тимови за подобар пристап до поддршка во заедницата.
Според најавата на организаторот, се планира бројот на вработени во образованието обучени да препознаваат проблеми со менталното здравје да порасне од 2.350 на 10.000. Програмата вклучува и посебна дискусија за превенцијата и лекувањето на дебелината.
