Даночната управа секоја година на 31 октомври ја објавува листата на даночни должници, а оваа година на неа се најде и Мате Римац.
Откако беше објавено дека на листата на даночни должници се наоѓа и Мате Римац, основачот на „Rimac Automobili“ и извршен директор на „Bugatti Rimac“, се огласи и тој самиот на социјалните мрежи.
Тој тврди дека не ѝ должи пари на државата, туку дека државата му должи нему! Во својата објава детално прикажа фотографии од даночното решение, изводите од своите банкарски сметки и состојбата на даночната картичка.
„Кога државата ТЕБЕ треба да ти врати данок, а ти завршуваш на листата на даночни должници. Да ти е*ам животот“, напиша Римац.
Износот што државата го бара од него, како што вели, е идентичен со износот што треба да го добие како поврат на посебниот данок за моторни возила, откако продал автомобил во странство. „Очигледно, во Даночната управа се случил пропуст“, напиша Римац, кој моментално се наоѓа во Сингапур.
Според достапните податоци, станува збор за износ од 39.261,64 евра што Римац наводно ѝ ги должи на државата, додека, според неговата објава, токму истиот износ му бил исплатен како поврат на данок.
Царинската управа во меѓувреме му се извини на Римац за настанатата грешка.
