Лил има 18 бода по девет кола во Лига 1, биланс што го става меѓу најсилните сезонски почетоци на клубот во последните седум децении. Во статистичкиот преглед објавен на 2 ноември, клубот потсетува дека само четирипати во тој период имал повеќе бодови во оваа фаза.

Во сезоните 2001/02, 2004/05, 2018/19 и 2020/21 стигнал до 19 бода по девет натпревари. Сегашниот биланс е пет победи, три ремија и еден пораз.

Радост во Лил по дербито со Ленс на 30 октомври. Фото: LOSC / Точка

Второ место во Франција, вечерва европски предизвик

На табелата Лил е втор, со два бода помалку од ПСЖ. По девет настапи има 12 постигнати и шест примени гола, додека Лион и Париз ФК се веднаш зад него со по 17 бода.

Француското првенство сега отстапува место на Лигата на шампионите: вечерва, 3 ноември, од 21:00 часот по Скопје Лил гостува кај Бодо/Глимт на „Аспмира“. Следниот лигашки натпревар му е на 8 ноември, на гости кај Рен, од 15:00 часот.