Лука Дончиќ постигна 45 поени и ги предводеше Лејкерс до победа од 131:125 над Торонто, во натпреварот одигран во неделата навечер во Лос Анџелес, односно рано утринава по Скопје.

Словенецот погоди осум тројки и запиша 15 скока, шест асистенции и пет украдени топки. Ова беше негов четврти натпревар во низа со најмалку 37 поени. Остин Ривс додаде 19, а Вокер Кеслер заврши со 16 поени и 15 скока.

Лука Дончиќ во дресот на Лејкерс, на архивска фотографија.

Стартерите мораа повторно на паркетот

Лејкерс водеа со 102:76 на минута и пол до крајот на третата четвртина, но Торонто не се откажа. Домашните ги повлекоа стартерите на 1:43 до крајот, по што гостинските резерви постигнаа 11 поени за 40 секунди и намалија на 125:120.

Дончиќ, Ривс и Кеслер повторно влегоа за последните напади и ја сочуваа победата. За Репторс, Скоти Барнс постигна 29 поени, а Ар-Џеј Барет додаде 22.