Во Скопје, 50-годишен пешак бил тешко повреден во сообраќајна несреќа кога возило „мерцедес“ со скопски регистарски ознаки го удрило на булеварот Никола Карев. Повредениот е пренесен во Ургентниот центар на Клиниките „Мајка Тереза“, а увидната екипа на полицијата извршила увид на местото на настанот.
Педесетгодишен пешак е тешко повреден во сообраќајна несреќа што се случила вчера вечерта на булеварот „Никола Карев“ во Скопје.
Според информациите од Министерството за внатрешни работи, несреќата се случила околу 20:40 часот, кога патничко возило „мерцедес“ со скопски регистарски ознаки, управувано од 72-годишниот Ф.А. од Скопје, удрило во 50-годишниот Д.Ф., исто така од Скопје.
Пешакот се здобил со тешки телесни повреди, кои биле констатирани во Ургентниот центар при комплексот клиники „Мајка Тереза“ во Скопје.
Увид на местото на несреќата извршила увидна екипа на СВР Скопје.
