Арсенал шокантно беше елиминиран од Лига купот по поразот од Флитвуд Таун на пенали, а еден од клучните моменти на натпреварот беше црвениот картон на 16-годишниот Макс Дауман.
Младиот фудбалер беше исклучен во 85. минута, откако бурно реагираше на остар старт на противникот.
Додека Дауман го напушташе теренот, тренерот Микел Артета му упати лут поглед, а потоа бесно му дофрли нешто додека се движеше кон соблекувалната.
Max dowman is such a prick, a very well deserved red card. https://t.co/XskRzgcqrD
— Ipostanything LFC (@postanythingLFC) October 27, 2026
Таквата реакција не му се допадна на поранешниот фудбалер на Арсенал, Пол Мерсон, кој смета дека тренерот морал да покаже повеќе разбирање за младиот играч.
„Има 16 години – тој е дете. Не го одигра својот најдобар натпревар и нормално е да се фрустрира. Да беше во прашање Виктор Ѓокереш, мислам дека Артета немаше така да реагира“, порача Мерсон за „Sky Sports“.
🚨Mikel Arteta was pissed after Max Dowman got sent off https://t.co/C8jzTJmoXY
— Polymarket Sports (@PolymarketSport) October 27, 2026
Артета по натпреварот откри дека уште пред мечот разговарал со Дауман за контролирањето на емоциите.
Ова е втор црвен картон за младиот фудбалер овој месец, а Арсенал со елиминацијата од екипа што се натпреварува во значително понизок ранг на англискиот фудбал претрпе болен удар.
Дали Артета оправдано беше лут или мораше да покаже повеќе трпение кон 16-годишникот?
