По сузбивање на меѓународна група на организиран криминал со увози на цигари, Царина со засилени контроли и на зелените пазари – со сеопфатен пристап до жестока борба со нелегалната трговија со тутун, велат од Царинската управа.

Акција

„Царински службеници од Царинарница Скопје и мобилни тимови од Одделението за оперативни работи извршија претрес на тезги на зеленото пазариште во Чаир, при што запленети се 135 килограми режан тутун и 30 литри алкохол, за кои е избегнато плаќање акциза во висина од 337.558 денари.

Контрола

При контролата на акцизни производи на тезгите на зеленото пазариште во Чаир, фатени се три лица како продаваат акцизни производи без акцизни маркички. Тие противзаконски ја ставиле акцизната стока во продажба, без претходно да платат акциза кон државата.

Последици

Против две лица се поднесени прекршочни пријави, а против едно лице кое продавало акцизни производи за кои е избегнато плаќање акциза од 257 илјади денари, ќе биде поднесена кривична пријава согласно Кривичниот законик.

Сузбивање

Со сеопфатен пристап, преку засилени истраги за увози на тутун и тутунски производи и контроли на внатрешниот пазар, јасно ги покажуваме заложбите за сузбивање на нелегалната трговија со тутун и тутунски производи“, соопшти Царинската управа.