Барселона го пријави ПСЖ во УЕФА поради морничавата кореографија на „Паркот на принцовите“

Ултрасите на ПСЖ редовно им најавуваат на одговорните луѓе со каква содржина ќе се претстават на секој голем натпревар, а вчера нивна инспирација беа два хорор филмови, „Ноќ на вештерките“ и „Масакар со моторна пила“.

Најжестоките навивачи на Парис Сен Жермен подигнаа огромен транспарент на кој беше прикажано како Мајкл Маерс го сече и уништува грбот на Барселона, проследено со илустрација на крв. За дополнителен ефект беше користена пиротехника која симулираше искри од моторната пила.

– Масакрот во Париз, – гласеше пораката која ја испратија жестоките навивачи на ПСЖ.

Каталонскиот гигант поднесе поплака до делегатот на УЕФА уште за време на натпреварот, но достави и желба по крајот на истиот и го оцени потегот на навивачите како „претерано агресивен, навредлив и морничав“.

Поради сериозноста на пропустите во безбедносната организација на стадионот и недозволената содржина, се очекува УЕФА да отвори дисциплинска постапка, што може да му донесе на францускиот клуб висока парична казна или делумно затворање на трибините за следните европски натпревари.